Qarasaasiat atorlugit paasissutissiisarneq
Naatsorsueqqissaartarfiup avammut atassuteqarnera qarasaasiatigut pinerusarpoq. Qarasaasiakkut paasissutissiisarneq akikinneruvoq, sukkanerulluni aammalu tigusisartut assigiinngitsut pisariaqartitaat naapertorlugit allanngortikkuminarluni.
Nittartakkami tusagassiuutinut nalunaarutit, saqqummersitat, immikkut saqqummersitat, ukiumoortumik kisitsisitigut paasissutissat aamma kisitsisaataasivik ataatsimoortillugit takuneqarsinnaanerat neqeroorutigineqarpoq. Nittartagaq danskisuujuneruvoq kalaallisuujunerullunilu, immikkoortulli pingaarnerit tuluttut nutserneqarnikuupput.
Nittartagaq Kisitsisaataasivillu qarasaasiatigut aqutsissutit nutaanerpaat atorlugit serverinut nutaanut aasami 2015-imi nuunneqarput. Naatsorsueqqissaartarfiup Namminersorlutik Oqartussat ilusilersueriaasaat nalinginnaasoq atorpaat, kisianni qarasaasiakkut saqqummiussiissutit pineqartillugit allaaneruvoq, tassa Naatsorsueqqissaartarfik akuersissutisisarnermut 2016-imi aningaasartuutaaruttussaammat.
Allagaqartup immersugassat immersuissutillu, Danmarks Statistikki ikiortiseralugu pilersitat, iluaqusiullugit nittartagaq nammineerluni Microsoft Office-mit atortut atorlugit suliarisarpai, nittartakkamut ikkunnissaanut piareerlugit. Immersuissutit PDF-itut html-itullu Nittartakkap saqqummiunnissaanut piareersaataasarput. Saqqummiussat html-imi saqqummersinneqarsinnaanera isumaqarpoq nittartagaq qisuariarsinnaasuusoq, tassa qarasaasianit, mobiilinit, tabletsinillu atuarneqarsinnaasoq.
Aamma Ukiumoortumik Kisitsisitigut Paasissutissanut assigiinngitsut taakku marluk toqqammavigalugit atorneqarsimapput, tassani innersuussissut ilanngunnagu. Naatsorsueqqissaartarfik atuisut nammineerlutik danskisut kalaallisulluunniit Ukiumoortumik Kisitsisitigut Paasissutissaliornissaannut 2014-ip aasaaneranili neqerooruteqarpoq. Tassa kapitalit sorliit atuisut Ukiumoortumik Kisitsisitigut Paasissutissaatigissanerlugit nammineq aalajangissavaat. Kapitalit ukiup ingerlanerani nutarterneqartassapput, nammineq pigisassatut Ukiumoortumik Kisitsisitigut Paasissutissaatigisani kapitalit imarisai nutaanerpaasuaannassallutik. Ukiup aappaata affaani ingerlareersumi atuakkat (Ukiumoortumik Kisitsisitigut Paasissutissat) 3.095-it aaneqarsimapput.
Takussutissiaq 2. Ukiumoortumik Kisitsisitigut Paasissutissat 2014-2015
Malugiuk: Naatsorsueqqissaartarfimmit ujarliutinillu atuakkat aasat ilaanngillat.
Takussutissiaq 3. Nammineq pigisassatut Ukiumoortumik Kisitsisitigut Paasissutissanit Kapitalit aaneqarsimasut amerlassusaat sammisat malillugit agguakkat sammisat suuneri
|
2014 |
2015 |
||
|
antal |
pct. |
antal |
pct. |
Katillugit |
3.110 |
100 |
2.750 |
100 |
01 Naalakkersuinermi aqutsinermilu pissutsit |
159 |
5,1 |
121 |
4,4 |
02 Nunalerutit, silap pissusaa aamma pinngortitaq |
162 |
5,2 |
128 |
4,7 |
03 Innuttaasut |
302 |
9,7 |
314 |
11,4 |
04 Ineqarneq |
141 |
4,5 |
100 |
3,6 |
05 Inuussutissarsiutit aaqqissussaanerat |
138 |
4,4 |
122 |
4,4 |
06 Suliffeqarnermi pissutsit |
162 |
5,2 |
157 |
5,7 |
07 Aalisarneq, piniarneq nunalerinerlu |
168 |
5,4 |
188 |
6,8 |
08 Assartuineq angallassinerlu, takornariaqarneq attaveqaqatigiinnerlu |
142 |
4,6 |
163 |
5,9 |
09 Nukissiorneq |
109 |
3,5 |
85 |
3,1 |
10 Nuna tamakkerlugu naatsorsuutit |
143 |
4,6 |
147 |
5,3 |
11 Akiliisarnerup naligiissinnera aamma nunanut allanut niuerneq |
140 |
4,5 |
126 |
4,6 |
12 Pisortat aningaasaqanerat |
133 |
4,3 |
99 |
3,6 |
13 Isertitat, atuineq akillu |
180 |
5,8 |
177 |
6,4 |
14 Aningaasaanik aningaasaatinillu niuerneq |
112 |
3,6 |
100 |
3,6 |
15 Atualernissaq sioqqullugu paaqqinnittarfiit meeqqallu atuarfii |
111 |
3,6 |
66 |
2,4 |
16 Ilinniartitaaneq |
158 |
5,1 |
108 |
3,9 |
17 Ilisimatusarneq |
96 |
3,1 |
64 |
2,3 |
18 Isumaginninnermut peqqissutsimullu tunngasut |
202 |
6,5 |
216 |
7,9 |
19 Politiit, eqqartuussisoqarneq illersornissamullu tunngasut |
119 |
3,8 |
108 |
3,9 |
20 Kultureqarneq, qaammarsaaneq ilageeqarnerlu |
123 |
4,0 |
84 |
3,1 |
21 Aatsitassat |
110 |
3,5 |
77 |
2,8 |
Atuakkat aaneqarsimasut amerlassusaat |
722 |
|
929 |
|
Atuakkanmi ataatsimi kapitalit amerlassusaat |
4,3 |
|
3,0 |
|
Nammineq pigisassatut Ukiumoortumik Kisitsisitigut Paasissutissat pilersinneqarsimasut katillugit 1651-iusuni agguaqatigiissillugit kapitalit 4,3-t 2014-imi qinerneqarsimapput 2015-imilu kapitalit 3,0-it qinerneqarsimallutik. Innuttaasunut Aalisarnermut Isumaginninnermilu pissutsinut tunngasut kapitalit kapitalinit allanit qinerneqarnerulaarput.
Ukiumoortumik Kisitsisitigut Paasissutissat kapitalii toqqaannartumik qarasaasiakkut aamma atuarneqarsinnaapput. Logfilinit takuneqarsinnaavoq kapitalit 45.000 missai 2015 ingerlanerani aaneqarsimasut. Ajoraluartumik aggustimi serverimut nutaamut nuunnermi nittartakkamut iserasuarnissaq ingerlanneqanngilaq. Taakku kapitalit 45.000-ini robotit, webcrawlerit, ujarliutit kiisalu Naatsorsueqqissaartarfiup nammineq ikkussai ilanngunneqanngillat.
Kapitalit namminerlu pigisassatut Ukiumoortumik Kisitsisitigut Paasissutissat takutinneqartarnerisa akulikissusaat assigiipput, taamaakkaluartoq Naalakkersuinermi aqutsinermilu pissutsit aamma aaneqakulapput. Aalisarneq, Piniarneq Nunalerinerlu pillugit kapitali atuarneqarnerpaavoq.
Kisitsisaataasiviup programmia aasami 2015-imi nutaanerpaamut nutartigaavoq. Tassunga atatillugu tabelit filinut arlalinnut oqaasilinnut allanngortinneqarput, taamaasillutik tabelit tamarmik kalaallisut, danskisut tuluttullu pissarsiarineqarsinnaanngorlutik.
Siornatigut Naatsorsueqqissaartarfiup Kisitsisaataasivimmik atuisut kisissinnaasimanngilai. Kisianni nutartikkamut nuunnermi susassaqarfiit aaneqartarneri immikkoortiterlugit tamarmik kisinneqarsinnaanngorput.
Takussutissiaq 4. Takussutissiat Kisitsisaasivimmit 2015-imi aaneqartut amerlassusaat
Tabelit Kisitsisaasivimmit 2015-imi aaneqartut amerlassusaat |
Aggusti |
Septembari |
Oktobari |
Novembari |
Decembari |
Katillugit |
Katillugit ....... |
3.993 |
4.236 |
4.005 |
6.320 |
3.670 |
22.224 |
Suliffeqarnermi pissutsit ........ |
346 |
433 |
456 |
429 |
367 |
2.031 |
Innuttaasut ...... |
2.097 |
1.907 |
1.576 |
2.905 |
1.426 |
9.911 |
Ineqarneq ....... |
47 |
102 |
40 |
95 |
11 |
295 |
Nukissiuuteqarneq |
45 |
69 |
47 |
51 |
53 |
265 |
Inuussutissarsiorneq |
53 |
51 |
67 |
56 |
44 |
271 |
Aalisarneq piniarnerlu |
239 |
295 |
273 |
589 |
231 |
1.627 |
Isertitat ......... |
105 |
211 |
202 |
373 |
207 |
1.098 |
Aningaasaqarnikkut pissutsit ........ |
84 |
42 |
77 |
154 |
17 |
374 |
Nuna tamakkerlugu naatsorsuutit ..... |
116 |
86 |
156 |
222 |
141 |
721 |
Pisortat aningaasaataat .. |
164 |
81 |
182 |
171 |
78 |
676 |
Akit ............ |
60 |
118 |
157 |
103 |
49 |
487 |
Isumaginninnermut tunngasut ....... |
83 |
51 |
46 |
104 |
116 |
400 |
Ukiumoortumik kisitsisitigut paasissutissat .... |
3 |
15 |
5 |
13 |
13 |
49 |
Peqqissutsimut tunngasut ....... |
162 |
264 |
152 |
198 |
196 |
972 |
Tupa imigassarlu aalakoornartulik .. |
66 |
40 |
92 |
246 |
43 |
487 |
Takornariaqarneq . |
190 |
327 |
330 |
377 |
436 |
1.660 |
Ilinniartitaaneq ... |
133 |
144 |
147 |
234 |
242 |
900 |
Nunanik allanik niueqateqarneq .. |
97 |
160 |
111 |
132 |
180 |
680 |
Saqqummersitat
Kalaallit Nunaanni Naatsorsueqqissaartarfimmit saqqummersinneqartartut tamarmik akeqanngillat nittartakkamiillu aaneqarsinnaallutik. Sulinissamut pilersaarut malillugu Naatsorsueqqissaartarfiup Ukiumoortumik Kisitsisitigut Paasissutissat ilanngunnagit 2015-imi 70-inik saqqummiussaqarpoq. Taakkunani 94 procentii piffissaq eqqorlugu 2015-imi saqqummersinneqarput 2014-imilu 91 procentiullutik. Piffissamik eqquilluni saqqummiussisarneq ukiup siuliani saqqummiussisarnerup assigingajappaa.
Takussutissiaq 5. Piffissaq eqqorlugu 2013-imi, 2014-imi 2015-imilu saqqummiussisarneq
|
Saqqummersitat amerlassusaat |
|
||
|
2013 |
2014 |
2015* |
|
Piffissaq eqqorlugu saqqummertut ........................ |
46 |
51 |
66 |
|
Sap. ak. angullugu kinguaattoorlutik saqqummertut ........... |
0 |
0 |
2 |
|
Qaammat ataaseq angullugu kinguaattoorlutik saqqummertut ... |
2 |
3 |
1 |
|
Qaammat ataaseq sinnerlugu kinguaattoorlutik saqqummertut ... |
3 |
1 |
1 |
|
Ukiup tullianut kinguartinneqartut taamaatiinnarneqartulluunniit .. |
2 |
1 |
0 |
|
Katillugit |
53 |
56 |
70 |
|
*Kisitsit Takussutissiaq 1-imit allaanerusinnaapput saqqummersitat nutaat peerneqarsimasulluunniit pissutigalugit
Kisitsisaataasivik
Saqqummersitanut atatillugu paasissutissat immikkoortiterluagaanerusut Kisitsisaataasivimmi tabelini arlalinni nassaassaapput. Naatsorsueqqissaartarfiup nittartagaa aqqutigalugu imaluunniit http://bank. stat.gl toqqaannartumik iserfigalugu kisitsisaataasivimmut isertoqarsinnaavoq. Kisitsisaataasivimmik atuisut tabelit assigiinngitsut 263-it 2015-ip naanerani qinersinnaavaat ukiup siuliani tabelit 220-upput. Amerlanerusunik ikinnerusunilluunniit tabeliuteqarnissaq imminermini siunnerfiunngilaq, tabelit immikkoortiternerisa atuisut periarfissaannut aalajangiisuusarneri pissutigalugit.
Kisitsisaataasivimmi kisitsisaatigineqartut aaneqarsinnaapput atuisullu namminneq programiutaanni imaluunniit periarfissat allat kisitsisaataasiviup atuisunut quppersagaaniittut atorlugit suliarineqarsinnaapput.
Unnuk kulturisiorfik aamma oqalugiartarnerit
Kalaallit Nunaanni Naatsorsueqqissaartarfik Nuummi Unnuk Kulturisiorfimmut suliffeqarfiup atuuffianut pisortatigut qaammarsaanermik siunertaqartumik januaarimi arfininngornermi kingullermi pisumut 2015-imi peqataaqqippoq. Aaqqissuussaq ilimmarfimmi ingerlanneqarpoq.
Ilinniartut Kisitsisaataasivimmik atuinissamut 2015-imi pikkorissartinneqarput. Taassuma saniatigut Kalaallit Nunaanni Naatsorsueqqissaartarfik Ilisimatusarfiup ilinniartitsisarneranut ikiuunnikuuvoq.
Kalaallit Nunaanni Naatsorsueqqissaartarfik pillugu KNR-tv 2014-imi aallakaatitassiornikuuvoq. Aallakaatitassiaq siullermeersumik januaarimi 2015-imi aallakaatinneqarpoq, taassumalu kingorna arlaleriarluni aallakaatinneqarluni.
Kalaallit Nunaanni Naatsorsueqqissaartarfik 2014-imi Facebookimi atuisunngorpoq. Atuisunngornerup siunertarivaa Kalaallit Nunaanni Naatsorsueqqissaartarfimmit nutaarsiassat inunnut amerlanerusunut apuuttarnissaat. 2015-ip naanerani Facebookimi 640-nik malinnaasoqarpoq.
API
Kisitsisaataasivimmi paasissutissat API-nngorlugit (application programming interface) pissarsiassaapput. Paasissutissat Kisitsisaataasivimmeersut aaneqarsinnaapput programminilu atoqqinneqarsinnaallutik, soorlu mobiilini appini, nittartakkani saqqummiissutini aalajangersimasuni allanilu. Takornariaqarnermut kisitsisitigut paasissutissat www.tourismstat.gl-imiittut Visit Greenlandip atortagai Kisitsisaataasivik nutarteraangat ingerlaannaq aaneqartarput.
Kalaallit Nunaanni Naatsorsueqqissaartarfiup assilersukkanik saqqummiussinissamut periarfissat nammineerluni atortarsimavai. Taassuma saniatigut programkode nittartakkamut atorneqartartoq Naatsorsueqqissaartarfiup avataaniittunut soqutiginnittunut akeqanngitsumik pissarsiassanngortinneqarnikuuvoq.
Inatsisiliorneq
Inatsisartut ukiami 2015-imi ataatsimiinneranni kisitsisitigut paasissutissiinermut inatsimmut allannguutit akuerineqarput. Allannguutissatut siunnersuutip siunertarivaa Kalaallit Nunaanni Naatsorsueqqissaartarfimmit paasissutissanik ingerlatitseqqittarneranut piumasaqaatit ersarinnerunissaat.